Spennan mögnuð fyrir lokaumferðina

Eftir umferðirnar í gærkvöld er ljóst að aðeins Ólafur, Benedikt og Jón H. geta sigrað á mótinu í lengri skákunum. Fyrir lokaumferðina er Ólafur efstur með 7,5 vinninga en hefur lokið sínum skákum, Benedikt hefur 7 vinninga og á einni skák ólokið en Jón H. hefur 7 vinninga og á tveimur skákum ólokið og stendur óneitanlega vel að vígi þó ekkert sé unnið fyrirfram.

Úrslitin í gærkvöld urðu sem hér segir í 9. umferðinni: Ólafur vann Gunnar, Óli Viðar vann Baldur, Haraldur vann Benedikt og Jón H. og Helgi gerðu jafntefli. Skák Sölva og Davíðs var frestað og Gísli sat yfir.

Í 10. umferðinni fóru leikar þannig: Haraldur vann Sölva, Benedikt vann Baldur, Óli Viðar vann Gunnar og Ólafur vann Gísla. Skák Davíðs og Jóns H. var frestað og Helgi sat yfir.

Þá vann Benedikt frestaða skák gegn Davíð úr 8. umferð.

4.fl.kk - FRÍ Á ÞRIÐJUDAGINN

Strákar ég var að frétta af því núna rétt áðan að það eru leikir á grasinu á morgun og þess vegna því miður verður frí á æfingu hjá okkur á morgun (þriðjudag). En ég hvet ykkur til þess að fara út í fótbolta sjálfir.

Aukaæfingin skapar meistarann.

Ég biðst afsökunar á því hversu seint þetta berst til ykkar.

Næsta æfingi er á fimmtudaginn kl 14:30-16:00.

Lifi Þróttur.

Jafntefli gegn Leikni í leik hinna glötuðu marktækifæra

Stelpurnar í 3.flokki gerðu 1-1 jafntefli við Leikni í öðrum leik sínum á Reykjavíkurmótinu fyrr í dag.

Leikurinn var hreint ótrúlegur. Þróttarar sóttu nánast linnulaust en virtist vera fyrirmunað að skora. Leiknisstelpur voru hinsvegar með 100% nýtingu á sínum færum og skoruðu úr sínu eina marktækifæri.

Skellur gegn ÍA

Það er óhætt að segja að fátt hafi gengið upp hjá vængbrotnu liði 2.flokks kvenna í leik gegn ÍA á Faxaflóamótinu í gær.

Skaginn vann öruggan sigur og þar með töpuðu Þróttarar sínum fyrsta leik á mótinu.

Deildarkeppninni lokið

Meistaraflokkur karla lék sinn síðasta leik í Mikasadeildinni í gær, föstudag. Vængbrotið lið Þróttar náði ekki að stöðva sigurgöngu KA-manna, sem fögnuðu deildarmeistaratitilinum að leik loknum. Liðin leika svo aftur í úrslita keppni Íslandsmótsins sem hefst nú í mars. En nánar má lesa um leikinn hér að neðan.