Úrtökumót drengja Laugarvatni tveir frá Þrótti

Daði Bergsson og Sveinn Andri Bjartmarsson eru fulltrúar okkar á Úrtökumót drengja 2010 sem fer fram að Laugarvatni dagana 20.-22. ágúst næstkomandi.  Á sjöunda tug drengja hafa verið boðaðir á úrtökumótið, allir fæddir 1995, og koma þeir frá félögum víðs vegar af landinu. 
Til hamingju piltar og gangi ykkur vel.

Rey Cup 2011 20. – 24. júlí

Mótshaldarar eru afar ánægðir með hve vel tókst til með skipulag og framkvæmd Rey Cup 2010 og hafa bæði þátttakendur, fararstjórar og þjálfarar látið í ljós ánægju sína þar að lútandi.

Nú þegar er hafinn undirbúningur fyrir Rey Cup 2011 en þá verður knattspyrnuhátíðin haldin í tíunda skiptið en hún fór fyrst fram árið 2002.

Unnið verður að fjölgun erlendra þátttökuliða næstu fimm árin á grundvelli nýgerðs samnings við Reykjavíkurborg. Einnig er ráðgert að efla dómgæslumál á Rey Cup með aðkomu sérfróðra erlendra fagaðila á því sviði og í góðu samstarfi við KSÍ.

8.flk - Atlantismót á sunnudag!

Sæl öllsömul!

Við ætlum að taka þátt í Atlantismóti Aftureldingar nk. sunnudag (15.ágúst). Mótsgjald er 1.000 krónur á þátttakanda og verður leikið í 5 manna liðum líkt og á VÍS-mótinu fyrr í sumar. Mótið verður líklega spilað hálfan dag en allar nánari upplýsingar munu birtast á blogginu í vikunni.

Þar sem fyrirvarinn er stuttur viljum við biðja ykkur um að hafa hraðar hendur og skrá ykkur á mótið með athugasemd hér fyrir neðan sem allra fyrst ef þið hafið áhuga á að vera með. Í skráningunni verður að koma fram fullt nafn iðkanda og fæðingarár. Gott væri ef þið létuð þetta berast til þeirra sem þið þekkið í flokknum svo að enginn missi af fjörinu.

Kveðja,
Mist og Guðjón

Knattspyrnudeild Þróttar auglýsir eftir þjálfurum

Knattspyrnudeild Þróttar auglýsir eftir aðalþjálfurum fyrir yngri flokka félagsins keppnistímabilið 2010-2011.

Þróttardagur hjá A4 miðvikudaginn 11. ágúst