Íslandsmót yngri flokka

Mánudagur, 19. Apríl 2010 Skrifað af: Sigurlaugur Ingólfsson

Blak - 5.-6. fl. (krakkablak)

Krakkarnir í 6. flokki kepptu um helgina á Íslandsmótinu í blaki í Digranesi í Kópavogi. Leiknir voru fjórir leikir. Liðið tapaði báðum leikjunum á laugardeginum, tæplega þó, fyrst gegn Fylki og næst gegn HK1. Á sunnudeginum gekk þó betur. Liðið tapaði naumlega gegn sterku liði Grundfirðinga og vann svo örugglega Skell 2-0.

Allt eru þetta krakkar sem eru að stíga sín fyrstu skref í blakíþróttinni. Farið var af stað í haust með æfingar hjá yngsta aldursflokknum. Til að byrja með voru fáir að mæta á æfingar, en eftir áramót hefur mæting vaxið hröðum skrefum. Þess má geta að æfingarnar hafa verið ókeypis. 

Keppt var eftir svo kölluðu krakkablaksreglum, 3. stig. Á því stigi þarf að taka á móti með blakslagi, en grípa verður bolta "tvö". Takist það er boltanum kastað upp í loftið og á annar leikmaður þá að ljúka sókninni með "smassi". Það er óhætt að fullyrða að krakkarnir sýndu oft glæsileg tilþrif og eiga þau flest glæsta framtíð í Þróttarbúningnum.