Þróttur hefur gert samninga við þrjá leikmenn um að leika með félaginu í mfl.kk. á næsta tímabili og lengur.
Birkir Björnsson kemur til félagsins frá Leikni og þeir Dylan Chiazor og Izaro Albella Sanchez frá Hollandi og Spáni, en báðir hafa leikið hér á landi áður.
![](https://trottur.is/wp-content/uploads/2021/12/Birkir-Björnsson_1.12.2021-881x1024.jpeg)
Birkir Björnsson er fæddur 1993. Hann á að baki um tæplega 160 leiki í meistaraflokki og þar af 27 leiki í efstu tveimur deildum. Birkir hefur oftast leikið sem bakvörður, hann hefur mikla reynslu sem nýtast mun ungum leikmannahópi Þróttar og styrkja varnarleik liðsins.
Birkir gerir þriggja ára samning við Þrótt.
![](https://trottur.is/wp-content/uploads/2021/12/Dylan-Chiazor_nov-2021-2.jpg)
Dylan Chiazor er 23 ára Hollendingur sem lék síðast með Leikni. Dylan er bæði leikinn og fljótur og á eftir að nýtast Þrótti vel. Hann leikur sem kantmaður og hefur leikið í neðri deildum Hollands auk þess að leika hér á Íslandi.
Dylan gerir samning út 2022.
Joe Yoffe er umboðsmaður Dylans Chiazor.
![](https://trottur.is/wp-content/uploads/2021/12/Izaro_1.12.-2021_inni-823x1024.jpeg)
Izaro Abella Sanchez er 25 Spánverji frá Bilbao. Hann er alinn upp í neðri deildum á Spáni og hefur áður leikið bæði með Þór á Akureyri og Leikni á Fáskrúðsfirði. Izaro er sömuleiðis kantmaður og býr yfir miklum hraða og tækni.
Izaro gerir samning út 2022.
Alberto Larrea er umboðsmaður Izaros.