Knattspyrnudeild Þróttar hefur náð samkomulagi við Maríu Evu Eyjólfsdóttur um tveggja ára framlengingu á samningi hennar við félagið. María Eva hefur á undanförnum tímabilum verið lykilmaður í liði Þróttar og fest sig í sessi sem einn traustasti hægri bakvörður deildarinnar.
Framlengingin er mikilvæg fyrir áframhaldandi uppbyggingu liðsins og sýnir skýrt traust félagsins á framlagi Maríu Evu, bæði innan vallar sem utan. Þróttur fagnar áframhaldandi samstarfi og hlakkar til næstu tveggja ára með Maríu Evu í liði.
