Þeir Hinrik Harðarson (2004) og Eiríkur Þorsteinsson Blöndal (2001) hafa skrifað undir nýja 3ja ára samninga við Þrótt.
Hinrik Harðarson sem hefur spilað með Þrótti allan sinn feril og verið í unglingalandsliðum fyrir okkar hönd fékk sína eldskírn í meistaraflokki í sumar. Hann er sóknarmaður með markanefið á réttum stað, mikið efni sem við fögnum að hafa áfram í okkar herbúðum.
Eiríkur Þorsteinsson Blöndal kom til Þróttar fyrr á þessu ári að láni úr Kópavoginum eftir farsælan feril í yngri flokkum Breiðabliks og reynslu af meistaraflokksfótbolta sömuleiðis. Eiríkur er bakvörður eða miðjumaður, hann lék alla leiki okkar síðastliðið sumar, einn manna, stóð sig virkilega vel og verður í eldlínunni næstu árin í Þróttarabúningnum.
Til hamingju Hinrik, Eiríkur og Þróttur!
