Hinrik okkar Harðarson hefur gengið til liðs við norska liðið Odd. Hinrik lék upp alla yngra flokka Þróttar og náði að spila alls 59 leiki með meistaraflokki Þróttar og skoraði í þeim leikjum 22 mörk. Hinrik var svo seldur til ÍA haustið 2023 og var algjörlega frábær síðasta sumar í Bestu deildinni, skoraði sjö mörk og lagði upp fimm í 26 leikjum.
„Við óskum Hinriki til hamingju með þetta,“ segir Kristján Kristjánsson, formaður knd. Þróttar. “
„Hann stóð sig vel í Bestu deildinni í fyrra með ÍA og sýndi og sannaði að uppeldið í Laugardalnum er gott vegarnesti fyrir unga knattspyrnumenn. Hinrik hefur alla tíð verið einstaklega metnaðarfullur og dugnaður hans og ósérhlífini er til fyrirmyndar fyrir alla unga fótboltakrakka í Þrótti, bæði stráka og stelpur. Við erum þess fullviss að hann eigi eftir að sýna sig og sanna í Noregi þannig að eftir verður tekið.“
Við óskum Hinriki alls hins besta í komandi verkefni með U21 landsliðinu sem og í nýjum áskorunum í Noregi!
#LIFI
