Brynja Rán Knudsen hefur skrifað undir nýjan 2ja ára samning við Þrótt og mun því vera hjá félaginu út árið 2026. Brynja er fædd 2007 og er því enn gjaldgeng í 2fl., en hefur engu að síður öðlast mikla reynslu þrátt fyrir ungan aldur. Hún hefur leikið 30 leiki í efstu deild fyrir Þrótt og 50 keppnisleiki fyrir meistaraflokk kvenna. Brynja sem leikið hefur með Þrótti alla tíð leikur ýmist á miðju eða í sókn og er áræðin, leikin og kröftug allt í senn. Hún hefur verið fastamaður í öllum yngri landsliðum Íslands, á að baki 14 landsleiki og er þessa dagana á Spáni með u19 ára landsliðinu þar sem Ísland tekur þátt í undankeppni EM 2025.
Kristján Kristjánsson, form. Knd. Þróttar segir: „. Við fögnum því mjög að Brynja skuli hafa framlengt samning sinn við Þrótt, enda einn efnilegasti leikmaður sem við eigum í kvennaflokki og reyndar einn efnilegsti leikmaður landsins í sínum aldursflokki. Við höldum áfram að byggja upp innanfrá, þessi samningur er enn eitt dæmið um það.“
